Ceidwadwyr am roi'r pŵer yn nwylo'r etholwyr

Ysgrifennydd Cymru Cheryl Gillan Mae'r Ceidwadwyr mewn llywodraeth glymblaid yn San Steffan

Wrth lansio eu hymgyrch etholiadau lleol, mae'r Ceidwadwyr wedi dweud bod angen i bŵer gael ei roi yn ôl yn nwylo'r bobl.

Fe gafodd y maniffesto ei lansio yng Nghasnewydd.

Mae'r blaid wedi galw am ddiwygio'r modd y mae ysgolion yn cael eu hariannu, rhewi treth y cyngor ac wedi dweud na ddylai cwmnïau bach dalu treth busnes.

Fe fyddai cynghorau Ceidwadol, meddai, yn blaenoriaethu clirio sbwriel a baw cŵn ac yn adnewyddu ffyrdd.

Ar hyn o bryd mae'r Ceidwadwyr yn amddiffyn 160 o seddi yn yr etholiad ar Fai 3 mewn 21 o'r 22 awdurdod lleol.

Does dim etholiad yn Ynys Môn gan fod yr etholiadau yno wedi eu gohirio am flwyddyn. Mae'r cyngor yn cael ei redeg gan gomisiynwyr.

Ail

Roedd y blaid yn ail i Lafur o ran canran y bleidlais yn etholiadau lleol yn 2008 ond gallai toriadau gwariant llywodraeth glymblaid San Steffan effeithio ar rai canlyniadau.

Dywedodd Ysgrifennydd Gwladol Cymru, Cheryl Gillan, bod "dewis clir ar Fai 3".

"Treth gyngor uwch o dan Lafur neu is o dan Geidwadwyr.

"Ni yw'r prif wrthwynebwyr i Lafur yng Nghymru a dydyn ni ddim yn cymryd unrhyw beth yn ganiataol.

"Ein greddf yw rhoi grym yn nwylo pobol, gan roi mwy o ddewis a rhyddid iddyn nhw i redeg eu trefi, pentrefi a'u cymunedau a chreu'r ffyniant sydd ei angen yn ddirfawr yng Nghymru".

Mae'r blaid wedi galw ar Lywodraeth Cymru i helpu cynghorau i rewi trethi fel mae'r glymblaid yn San Steffan wedi ei wneud.

Dywedodd gweinidogion Llywodraeth Cymru fod bil cyfartaledd Band D yn llai nag yn Lloegr.

Fe wnaeth Cyngor Mynwy, sy'n cael ei redeg gan y Ceidwadwyr, rewi trethi eleni.

Ym Mro Morgannwg, sydd hefyd yn cael ei reoli gan y blaid, mae treth Band D wedi codi o £923.85 i £940.05.

Mae'r blaid wedi addo cymryd camau yn erbyn fandaliaid a graffiti.

Dylai manylion gwariant unrhyw gyngor gael eu cyhoeddi, meddai, a dylid torri'n ôl ar gyflogau rhai uchelswyddogion.

Mwy Am y Stori Hon

ETHOLIAD 2012

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.