Y cyn-Archdderwydd Emrys Deudraeth wedi marw

Y Cyn-Archdderwydd Emrys Deudraeth Enillodd Emrys Roberts Y Gadair yn 1967 a 1971

Bu farw Emrys Deudraeth neu Emrys Roberts, yr Archdderwydd rhwng 1987 a 1990, yn 82 oed.

Enillodd y Gadair ddwywaith, ym Mhrifwyl y Bala yn 1967 gydag awdl Y Gwyddonydd ac ym Mangor yn 1971 gydag awdl Y Chwarelwr.

Cafodd ei eni yn Lerpwl yn 1929 cyn symud i Benrhyndeudraeth ar ddechrau'r Ail Ryfel Byd.

Derbyniodd ei addysg yn Ysgol Ramadeg Y Bermo a'r Coleg Normal ym Mangor.

Bu'n athro yn Ynys Môn a Chroesoswallt cyn dod yn brifathro Ysgol y Banw yn Llangadfan, Sir Drefaldwyn.

'Cyfraniad mawr'

Roedd yn olygydd colofn farddol Y Cymro rhwng 1977 a 1981 a chyhoeddodd ddetholiad o'r cynnyrch yn Byd y Beirdd yn 1983.

Fe gyhoeddodd bum cyfrol o farddoniaeth i oedolion a phlant yn ogystal â nifer o nofelau antur i blant.

Fe enillodd ei dad, Monallt, Gadair Arian Eisteddfod Caerwys yn 1968 ac Emrys Deudraeth luniodd y gyfrol deyrnged, Monallt - Portread o Fardd-gwlad.

Dywedodd y Cyn-Archdderwydd Robyn Llŷn: "Roedd wedi bod yn diodde' am 10 mlynedd a mwy ac roedd ei iechyd yn dirywio.

"Mae o wedi gwneud cyfraniad mawr i ddiwylliant Cymru.

"Roedd yn ŵr hoffus ac yn cael ei werthfawrogi fel Archdderwydd.

"Fe fydd 'na golled yn sicr ar ei ôl."

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.