Camp arall i Dan Lydiate

Dan Lydiate Lydiate oedd chwaraewr gorau'r gêm yn erbyn Yr Alban a Ffrainc

Straeon Perthnasol

Blaenasgellwr Cymru, Dan Lydiate, yw chwaraewr gorau Pencampwriaeth y Chwe Gwlad 2012.

Daeth y cyhoeddiad wedi i dros 30,000 o bobl bleidleisio, bron dwbl nifer y pleidleisiau yn 2011.

Roedd chwaraewyr Cymru yn amlwg ar y rhestr fer o 12, gan gynnwys Sam Warburton, Alex Cuthbert a Mike Phillips.

Wrth dderbyn yr anrhydedd, dywedodd blaenasgellwr y Dreigiau: "Mae'n syndod mawr a bod yn onest. Dwi wrth fy modd.

"Mae'n goron ar gystadleuaeth anhygoel i mi ac i Gymru.

"Roedd cael bod yn rhan o dîm talentog Cymru ac ennill y Gamp Lawn yng Nghaerdydd ddydd Sadwrn yn anhygoel ond mae bod yn chwaraewr y gystadleuaeth hefyd yn gwbl anghredadwy.

25%

"Mae'n anrhydedd enfawr i ennill, yn enwedig o ystyried safon y chwaraewyr eraill ar y rhestr.

"Diolch i bawb a bleidleisiodd i mi. Mae'n golygu llawer iawn."

Cafodd Lydiate 25% o'r bleidlais gyda Jonathan Sexton o Iwerddon yn ail gyda 12% a'r Ffrancwr Sergio Parisse yn drydydd gyda 11.6%.

Lluniwyd y rhestr fer gan enillwyr chwaraewr gorau'r gêm ym mhedwar penwythnos cynta'r gystadleuaeth.

Cafodd Lydiate ei ddewis fel chwaraewr gorau gêm Cymru yn erbyn Yr Alban ar yr ail benwythnos, ac fe enillodd yr un wobr yn y gêm dyngedfennol yn erbyn Ffrainc y Sadwrn diwethaf.

Mwy Am y Stori Hon

Straeon Perthnasol

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.