Disgyblion yn methu 'blwyddyn o addysg'

Boys (generic) The NASUWT said truancy was a problem in some parts of Wales

Straeon Perthnasol

Mae ffigyrau'n awgrymu bod disgyblion mewn rhannau o Gymru yn methu blwyddyn o addysg ar gyfartaledd oherwydd absenoldeb neu driwantiaeth.

Mae Rhondda Cynon Taf wedi lansio ymgyrch i geisio gwella safonau cyrhaeddiad plant.

Yn ôl eu hymchwil, o'r 12 mlynedd o addysg statudol y mae disgyblion yn ei dderbyn, dim ond am 11 mlynedd y mae'r disgybl yn bresennol ar gyfartaledd.

Y mis diwethaf, dywedodd y gweinidog addysg, Leighton Andrews na fyddai'n diodde' triwantiaeth yn y dyfodol.

Gwyliau

Dywedodd y cyngor pe bai gan ddisgybl record bresenoldeb o 94% - sy'n cyfateb i fethu 10 diwrnod y flwyddyn o'r ysgol - yna fe fyddai'n fwy tebygol o gael pump TGAU o raddau A*-C na phe bai y record yn 90%.

Ychwanegodd y cyngor bod mynd â phlentyn am bythefnos o wyliau yn ystod y tymor ysgol yn golygu na all eu record bresenoldeb fod yn well na 94%.

Start Quote

Rwy'n siŵr y bydd athrawon yn cefnogi'r cyngor, ond rhaid cael cefnogaeth y rhieni er mwyn llwyddo gyda hyn”

End Quote Geraint Davies NASUWT

Dywedodd aelod o gabinet Cyngor Rhondda Cynon Taf sydd â chyfrifoldeb am addysg, Eugene Hanagan:

"Gyda'r gystadleuaeth am brentisiaethau, swyddi lleoedd mewn colegau a phrifysgolion yn frwd iawn ar hyn o bryd, mae Cyngor Rhondda Cynon Taf am weld pob disgybl yn gallu cystadlu gydag unrhyw blentyn arall ar draws y DU.

"Er mwyn gwneud hynny, mae'n hanfodol bod plant a phobl ifanc yn cael yr addysg orau posib, ac er mwyn gwneud hynny rhaid i blant fynd i'r ysgol yn rheolaidd - nid yw absenoldeb yn dderbyniol.

"Mae methu diwrnod yr wythnos yn cyfateb i fethu chwarter blwyddyn o addysg."

Rhieni

Dywedodd Geraint Davies o undeb athrawon yr NASUWT bod gan rieni gyfrifoldeb i daclo problem triwantiaeth.

"Mewn rhannau o Gymru mae triwantiaeth ar gynnydd," meddai.

"Mae gan ysgolion amryw brosesau i ddelio gyda thriwantiaeth, ond mae'r rhan fwyaf o'r cyfrifoldeb gyda'r rhieni.

"Mae tynnu plant o'r ysgol yn ystod y tymor am amryw resymau hefyd yn broblem, ac mae'r cyfan yn cael effaith ar addysg plentyn.

"Rwy'n siŵr y bydd athrawon yn cefnogi'r cyngor, ond rhaid cael cefnogaeth y rhieni er mwyn llwyddo gyda hyn."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.