Tri wedi eu hanafu mewn pwll glo arall

Glofa Aberpergwm  Credir bod dros 230 o bobl yn gweithio yn Aberpergwm

Straeon Perthnasol

Mae tri dyn wedi eu cludo i'r ysbyty yn dilyn digwyddiad mewn glofa yng Nglyn-nedd.

Credir fod to'r pwll glo wedi dymchwel.

Cafodd un dyn anafiadau i'w gefn yn y digwyddiad ym mhwll Aberpergwm nid nepell o lofa'r Gleision lle cafodd pedwar o lowyr eu lladd ym mis Medi.

Dywedodd Gwasanaeth Ambiwlans Canolbarth a De Cymru eu bod wedi cael eu galw i'r pwll am 3:06am fore Iau, a'u bod wedi cludo'r tri dyn i'r ysbyty.

Digwyddodd y cwymp rhyw dair neu bedair milltir o dan ddaear, ac fe gafodd y dynion eu tynnu o'r pwll gan ddefnyddio lifft arbennig.

Fe gymrodd hi awr i gael y dynion oddi yno.

Mae un o'r dynion wedi diodde' anaf i'w gefn, ac mae dau arall yn diodde' o sioc.

Mae archwilydd pyllau glo ar y safle ar hyn o bryd.

Map o'r ardal

Yna ym mis Hydref cafodd y gwasanaethau brys eu galw i lofa Unity yng Nghwmgwrach i ryddhau gweithiwr.

Credir fod Aberpergwm yn cyflogi tua 230 o bobl.

Cafodd y lofa ei hagor yn y deunawfed ganrif.

Ar ei anterth yn y 1930au roedd yn cyflogi dros 1,500.

Fe gaeoedd yn 1985, ond cafodd ei ailagor gan gwmni preifat flwyddyn yn ddiweddarach.

Cwmni o America Walter Energy sy'n berchen ar y safle.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.