Jade Jones yw pencampwraig Taekwondo Prydain

Jade Jones Enillodd Jade Jones fedal aur yn Gemau Olympaidd Ieuenctid 2010 yn Singapore

Mae'r Gymraes Jade Jones wedi ennill Pencampwriaeth Agored Prydain mewn Taekwondo ym Manceinion.

Roedd y ferch 18 oed o Fodelwyddan yn Sir Ddinbych yn fuddugol yn y rownd derfynol yn erbyn Marlene Harnois o Ffrainc.

Eisoes mae Jade wedi ennill medal arian ym mhencampwriaeth y byd, ac mae'n troi ei golygon nawr at y Gemau Olympaidd yn Llundain yn 2012.

Dyma flwyddyn lawn gyntaf Jade yn cystadlu gyda'r oedolion yn y gamp, ond yn 2010 enillodd fedal aur yng Ngemau Olympaidd yr Ieuenctid yn Singapore.

Enillodd fedalau ym mhencampwriaethau agored Yr Almaen ac America cyn dod yn ail yn y byd ym mis Mai.

'Cyflawni cymaint'

Ar ddiwedd mis Mai, daeth cadarnhad fod ei chategori pwysau - 57kg - wedi cael ei enwebu i gael ei gynnwys yn y Gemau Olympaidd yn Llundain.

Dywedodd Jade wrth y BBC: "Rwy'n meddwl fod llawer yn credu fy mod ar y blaen i le y dylwn i fod am fy mod i wedi cyflawni cymaint mewn amser byr.

"Ond rwy'n teimlo fod gen i le i wella cymaint hefyd, ond rwy'n falch fy mod wedi profi fy mod i gyda'r goreuon ac mae'n rhaid i mi ddal i fynd."

Mae Jade yn byw ym Manceinion bellach, ac roedd wrth ei bodd o ennill Pencampwriaeth Prydain am y tro cyntaf mor agos at ei chartref, gan fod ei rieni wedi medru bod yn bresennol i'w gweld.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.