आधा घण्टा लामो उक्त कार्यक्रम बीबीसी नेपाली सेवाको वेबसाइटमा प्रसारणको समयमा प्रत्यक्ष र अरु बेला अर्को प्रसारण आरम्भ नहुंदासम्म चाहेको बेलामा सुन्न सकिन्छ।

प्रसारणको पहिलो पांच मिनेट विश्व समाचार र त्यसपछि नेपाल तथा विश्वका समसामयिक विषयहरुबारेका विवरण, विष्लेषण, विचार तथा अन्तरवार्ताहरू प्रस्तुत गरिन्छ।

तिनमा खेलकुद, विज्ञान तथा सूचना प्रविधि, सामुदायिक चासो र समाजका हरेक पक्षसँग सम्वन्धि मुद्दाहरु तथा तपाईंका विचार तथा प्रतिकृयाहरुलाई समयानुकू्ल स्थान दिने हाम्रो प्रयास रहन्छ।

त्यसबाहेक तल उल्लेखित दिनहरुमा पूर्व-निश्चित कार्यक्रमहरु प्रस्तुत गरिन्छ:

शनिबार
नयाँ नेपाल
देशमा नयाँ नेपालको चर्चा चलिरहँदा, बहसमूलक यो कार्यक्रममा नयाँ नेपालसँग सम्बद्ध राजनीतिदेखि साहित्यसम्म, गाउँदेखि शहरसम्मका कुनै एक विषयमा केन्द्रीत छलफल हुनेगर्दछ।

आइतबार
विष्लेषण
हप्ताभरीको कुनै महत्वपूर्ण विषयमा नेपालस्थित सम्बाददाताकाको विष्लेषणात्मक रिर्पोट प्रस्तुत गरिन्छ।

बुधबार
नेपाल सन्दर्भ
नेपालसँग सम्वन्धति कुनै एक जल्दोबल्दो विषयमा सम्बन्धित ब्यक्ति(हरु)संगको अन्तर्वार्ता सुन्न सक्नुहुन्छ।