१) उद्देश्य

बीबीसीको वेब साइट प्रयोग गर्नुहुँदा कुनै कुनै बेला हामी तपाईँको व्यक्तिगत जानकारी माग्न सक्छौं। त्यस्ता जानकारीमा तपाईँको नाम, ठेगाना, ईमेल आदि पर्दछन्। विशेषगरी बीबीसीका ईमेल न्यूजलेटरहरु प्राप्त गर्न खोज्दा वा प्रतियोगिताहरुमा भाग लिन खोज्दा त्यस्ता जानकारीहरु दिन आवश्यक पर्दछन्।
निर्धारीत तालिकामा त्यस्ता जानकारीहरु भरे पछि बीबीसी विश्व सेवालाई तपाईंले चाहनु भएको सेवा उपलब्ध गराउन सजिलो हुन्छ। जब जब तपाईंले हामीलाई त्यस्ता जानकारीहरु दिनुहुन्छ हामी तिनको प्रयोग यहि नीति अनुसार गर्दछौं। हाम्रा सेवाहरु तपाईंले प्राप्त गर्न चाहनु भएका जानकारीहरु प्रदान गर्नका निम्ति उपलब्ध गराइएका हुन्। बीबीसीले वर्तमान कानून अन्तर्गत रही इन्टरनेटमा उपलब्ध सर्वश्रेष्ठ सुविधा उपलब्ध गराउने उद्देश्य लिएको छ ।

२) वेब साइट प्रयोगकर्ताहरु बारे जानकारी

तपाईंले बीबीसीका कुनै पनि वेब साइट हेर्नुहुँदा, तपाईंले हेर्ने पेजहरुसंगै कुकी ( cookie) हरु पनि तपाईंको कम्प्युटरमा डाउनलोड हुन्छन्। (कुकीका बारेमा जान्नका लागि बुंदा तीन पनि हेर्नुहोला) । प्राय: सबै वेबसाइटहरुले यस्तो कुकी पठाउने गर्छन्। यस्को उद्देश्य वेबसाइट प्रयोगकर्ता पहिले पनि त्यो वेबसाइटमा आएका थिए कि थिएनन् भन्ने थाहा पाउनु हो। र तपाईं दोस्रो वा अर्को पल्ट त्यही वेबसाइटमा जानु हुंदा त्यसको कुकीले तपाईंलाई याद राख्छ र तपाईंले प्रयोग गर्नु भएका वेबपेज पनि सम्झन्छ।
कुकीहरुले प्रदान गर्ने कुनै पनि सूचनाले हामीलाई हाम्रो सेवा अझ राम्रो बनाउन मद्दत मिल्छ नै संगसंगै वेबसाइट प्रयोगकर्ताको रुचिका बारेमा जानकारी पनि हासिल गर्न सकिन्छ। उदाहरणका लागि यदि पहिले तपाईंले विज्ञान सम्बन्धि पेजहरु हेर्नु भएको भए यो कुरा कुकीको माध्यमबाट हामी पत्ता लगाउन सक्छौं र अर्को पटक तपाईलाई विज्ञान सम्बन्धि ताजा जानकारी प्रस्तुत गर्न सक्छौं।

रेड शेरिफ (Red Sheriff) एउटा स्वतन्त्र अनुसन्धान संस्था हो। जस्ले कुकी र कोडको मद्दतले हाम्रा निम्ति हाम्रो वेब साइट प्रयोगकर्ताहरुको रुची जस्ता गैर नीजी जानकारीहरु भेला पार्ने गर्छ। यसरी प्राप्त जानकारी र तथ्यांकबाट वेबसाइट प्रयोगकर्ताले कुन पेजमा कति समय बिताए , के पढ्न रुचाए , उक्त पेजमा कसरी पुगे र कुन स्क्रीन वा अपरेटिंग सिस्टम प्रयोग गर्दछन् भन्ने जस्ता कुराहरु थाहा पाउन सकिन्छ। यस्ता जानकारी बीबीसीले आफ्नो सेवा र सुविधाहरु अझ राम्रो पार्न प्रयोग गर्छ। रेड शेरिफको बारेमा थप जानकारी र उस्को गोपनियता नीति उस्को वेब साइट www.redsheriff.com/6.0.0.htm मा उपलब्ध छ।

३) कुकी (Cookie) के हो?

जब तपाईं कुनै वेब साइटमा जानुहुन्छ तपाईंको कम्प्युटरमा स्वत: एउटा कुकी प्रवेश गर्छ। कुकी भनेको एक प्रकारको टेक्स्ट फाइल हो जस्ले तपाईंको कम्प्युटरलाई हाम्रो सर्भरसंग पहिचान गराउंछ। कुकीले व्यक्तिगत प्रयोगकर्ताको पहिचान गर्दैन बरु प्रयोग भएको कम्प्युटरलाई मात्र चिन्दछ। थुप्रै वेबसाइटहरुले कति जना प्रयोगकर्ताहरुले आफ्नो सेवा प्रयोग गरे भन्ने थाहा पाउन कुकीको प्रयोग गर्दछन्।
कुकीले खाली तपाईं कुन पेजमा जानुभयो र त्यहां कति समय बिताउनु भयो भन्ने जानकारी मात्र राख्दछन्। कम्प्यटरहरुमा सबै वेबपेजको कुकीलाई सम्झनामा राख्ने वा कुनै पनि कुकी स्वीकार नगर्ने विकल्प छनौट गर्न मिल्नेगरी सेट गर्न मिल्ने व्यवस्था हुन्छ। तर कुनै पनि कुकी स्वीकार नगर्ने गरी कम्प्युटर सेट गर्दा वेब साइटहरुका कतिपय सेवा प्रयोग गर्न नमिल्ने पनि हुन जान्छ।

४) तपाईँको ब्यक्तिगत जानकारीको प्रयोग

तपाईँले बीबीसीका प्रतियोगीताहरुमा सहभागी हुँदा, वेब साइटको सदस्य बन्दा वा अन्य कुनै कारणले आफ्नो ब्यक्तिगत जानकारीहरु जब हामीलाई दिनुहुन्छ त्यस्ता जानकारीहरुको उचित उपयोग गर्नु हाम्रो कानूनी दायित्व हुन जान्छ। त्यस्ता जानकारीहरु उचित तरीकाले हासिल गरिनु पर्ने हुन्छ (तपाईँले कुनै वेब साइटहरुमा आवश्यक जानकारीहरु के का निम्ति मागीएको हो भन्ने स्पष्ट पारीएको याद गर्नु भएको नै होला), तपाईँका जानकारीको प्रयोग कसरी गरिन्छ भनेर तपाईँलाई बताइनु पर्छ र यदि हामीले तपाईँको विवरण अरु कसैलाई प्रदान गर्ने निर्णय गर्यौं भने त्यसका बारेमा तपाईँलाई अग्रीम जानकारी दिइनु पर्छ। हामी तपाईँका ब्यक्तिगत विवरण आवश्यक परेको समयसम्म मात्रै हाम्रो सिस्टममा संचय गरेर राख्छौं। र हामी सबै प्राप्त ब्यक्तिगत जानकारीहरुलाई संयुक्त अधिराज्यको सूचना सुरक्षा सम्बन्धि कानुन डेटा प्रोटेक्शन एक्ट १९९८ अनुसार सुरक्षित राख्दछौं।

५) आफ्नो ब्यक्तिगत विवरणमा तपाईँको पहुँच

बीबीसीसँग रहेको तपाईँको आफ्नो ब्यक्तिगत विवरण प्राप्त गर्न पाउने र त्यसमा आवश्यक सुधार या संशोधन गराउने अधिकार तपाईँसंग छ।( त्यस्तो सुविधाका निम्ति दश पाउण्ड शुल्क लाग्छ)। यदि तपाईँलाई त्यस्तो जानकारी चाहियो भने कृपया, Data Protection Officer लाई सम्पर्क गर्नुहोला। ईमेल ठेगाना हो, dpa.officer@bbc.co.uk ।

६) सेवाहरुको प्रत्यक्ष प्रचार तथा सर्वेक्षण

बीबीसी विश्व सेवाले प्रदान गर्ने सुविधाहरुमा विस्तार हुँदै जाँदा तपाईँले पाउँदै आउनु भएका सेवाहरुमा सुधार गर्ने अवसरहरु पनि आउने छन्। हामीले तपाईँलाई बीबीसी वा हाम्रा एजेन्टहरुले गर्ने सर्वेक्षणहरुमा सहभागी हुन आह्वान पनि गर्नेछौं, जस्बाट तपाईँले हाल पाइरहनु भएको सेवाहरुका बारेमा अनुसन्धान गर्न हामीलाई सजिलो हुन्छ। तपाईँले दिनु भएको जानकारीहरुको बीबीसीले अभिलेख राख्नेछ। तर तपाईँले बीबीसीलाई दिनु भएका त्यस्ता जानकारीहरु बीबीसी भित्र मात्रै प्रयोग हुनेछन्। तिनलाई कानुनी रुपले बाध्यात्मक स्थितिमा बाहेक तपाईँको स्वीकृती विना कुनै तेस्रो पक्षलाई उपलब्ध गराइने छैन।

७) १८ बर्ष भन्दा कम उमेरका प्रयोगकर्ता

यदि तपाईँ १८ बर्ष भन्दा कम उमेरको हुनुहुन्छ भने बीबीसी विश्व सेवाका वेब साइटहरुमा आफ्नो ब्यक्तिगत विवरणहरु दिनु भन्दा पहिले कृपया आफ्नो अभिभावकको अनुमति लिनुहोला। यस्तो अनुमति नलिएका प्रयोगकर्ताहरुले हामीलाई आफ्नो ब्यक्तिगत जानकारी प्रदान गर्न पाउनु हुने छैन।

८) कुकी खोज्ने र त्यसलाई नियन्त्रण गर्ने तरीका

यदि तपाईँ Netscape 6.0 प्रयोग गर्नुहुन्छ भने आफ्नो Task Bar मा,
1. Edit मा क्लिक गर्नुस्, त्यसपछि
2. Preferences मा क्लिक गर्नुस्, अनि
3. Advanced मा जानुस र त्यसपछि
4. Cookies मा क्लिक गर्नुस्

यदि तपाईँ Internet Explorer 5.0 वा 5.5 प्रयोग गर्नुहुन्छ भने,
1. पहिला Tools मा जानुस्, त्यसपछि
2. Internet Options, अनि
3. Security tab क्लिक गर्नुस्, र
4. Custom Level मा क्लिक गर्नुस्
5. त्यसपछि तालिकाको तल जानुस् र छैठौं विकल्पमा गएर IE5 ले कसरी कुकी नियन्त्रण गर्छ हेर्नोस्।अनि आवश्यकता अनुसार Accept, Disable वा Prompt मा परिवर्तन गर्नुस्।

यदि तपाईँ Internet Explorer 4.0 प्रयोग गर्नुहुन्छ भने, पहिले
1. View मा जानुस्,
2. Internet Options मा क्लिक गर्नुस्
3. Advanced tab मा क्लिक गर्नुस्
4. अब Security तलतिर रहेको पहेंलो विष्मयादिबोधक चिन्हसम्म जानुस् र त्यहाँ भएका तीन वटा विकल्प मध्य एउटा छानेर कुकी नियन्त्रण गर्न सकिन्छ।

यदि तपाईँ Netscape Communicator 4.0 प्रयोग गर्नुहुन्छ भने Task Barमा
1. Edit मा क्लिक गर्नुस्, त्यसपछि
2. Preferences मा अनि
3. Advanced मा
4. त्यसपछि Cookies लेखिएको बक्समा क्लिक गरेर चाहे अनुसारको विकल्प रोज्नुस्।

९) कुन वेबसाइटले कुकीको प्रयोग गर्छ वा गर्दैन भनेर कसरी थाहा पाउने?

यदि तपाईँ Netscape 6.0 प्रयोग गर्नुहुन्छ भने आफ्नो Task Bar मा,
1. Edit क्लिक गर्नुस्, त्यसपछि
2. Preferences मा, अनि
3. Advanced मा जानुस्
4. Cookies मा क्लिक गर्नुस्
5. र View Cookies बटनमा क्लिक गर्नुस्

यदि तपाईँ Internet Explorer 5.0 प्रयोग गर्नुहुन्छ भने,
1. Tools मा क्लिक गर्नुस्,
2. Internet Options मा जानुस्
3. General tab मा क्लिक गर्नुस् अनि
4. Settings मा, त्यसपछि
5. View Files मा

यदि तपाईँ Internet Explorer 4.0 प्रयोग गर्नुहुन्छ भने पहिले Task Bar मा
1. View क्लिक गर्नुस् अनि
2. Internet Options
3. त्यसपछि General मा गएर
4. Settings क्लिक गर्नुस् अनि
5. View Files मा

यदि Netscape Communicator 4.0 प्रयोग गर्नुहुन्छ भने,
Netscape ले सबै cookie लाई तपाईँको hard driveमा राख्ने गर्दछ। यदि तपाईँलाई त्यो फाइल पत्ता लगाउनु छ भने Windows मेशिनमा Cookie.txt को नामले खोज्न सकिन्छ।

१०) कुकी कोड कसरी खोज्ने?

कुकीमा क्लिक गर्नुहोस्। तपाईँले अक्षर र अंकहरुको लहर देख्नुहुनेछ। ती अंकहरु तपाईँको identification card हुन् जस्लाई उक्त कुकी जारी गर्ने सर्भरले मात्र देख्न सक्छ।