Ross County air call an aghaidh Rangers

  • 28 An Lùnasdal 2017
Ross County 1-3 Rangers Image copyright SNS

Ann an diog dìth na cèille chuidich fear-glèidhidh Ross County, Alfredo Morelos, dà thadhal fhaighinn agus Rangers trì puingean a thogail ann an Inbhir Pheofharain.

Bha Morelos air Rangers a chur air thoiseach mar-thà nuair a thionndaidh am fear-glèidhidh 'son am ball a thoirt bhuaithe.

Ach thug Scott Fox ùine mhòr a' faighinn cuidhteas den bhall.

Dh'èirich Morelos gu a chàsan agus ghoid e am ball, ga chur dhan lìon gun duine 'son stad a chur air.

Thàinig County air ais anns an dàrna leth den gheama le Tòmas Mikkelson a' cur tadhail dhaibh le a cheann.

Ach rinn Eduardo Herrera cinnteach gum faigheadh Rangers na trì puingean.

'S e seo an còigeamh geama san lìog air falbh bhon taigh a tha Rangers air glèidheil an sreath a chèile, gam fàgail sa chòigeamh àite san lìog.

Tha Ross County a-nis air trì geamaichean an sreath a chèile san lìog a chall.

Anns na trì tursan mu dheireadh a tha an dà sgioba air coinneachadh tha iad air a bhith co-ionnann.

Agus tha County fhathast gun geama a bhuannachadh anns na seachd geamaichean a tha iad air cluiche an aghaidh a chèile.

Tha seo a' fàgail Ross County san naoidheamh àite san lìog, dìreach trì puingean air thoiseach air Partick Thistle aig a' bhonn.