Dàibhearan Poilis sa Phloc

  • 11 An Giblean 2017
James Fewell Image copyright Poilis Alba

Chaidh dàibhearan poilis an sàs ann an iomairt gus lorg fhaighinn air duine a tha a dhìth air Taobh Siar Rois.

Chunnacas James Fewell mu dheireadh tràth sa mhadainn Disathairne is e a' fàgail Taigh-òsta a' Phluic.

Tha Mgr Fewell, 62, a' fuireach air bàta ann an acarsaid a' Phluic.

'S e Bruce a bhios aig daoine air Mgr Fewell.

Tha e 6'1" de dh'àirde le falt fada dorcha a bhios aige ceangailte air cùl a' chinn.

Bha geansaidh gorm agus bòtannan buidhe air an oidhche a chaidh e a dhìth.

Tha e a' fuireach agus ag obair anns a' Phloc.

Tha na Poilis is na Maoir-Chladaich air a bhith ga shireadh le taic bho luchd-teasairginn beinne.

Tha dàibhearan poilis a-nise gan cuideachadh.

Thathas a' tuigseann gun deach geòla Mhgr Fewell is cuid de rudan eile leis a lorg.