Fear-coiseachd ga lorg an Gleann Èite

  • 4 An Lùnasdal 2014

Chaidh corp a lorg ann an Gleann Èite, far an robh sgiobaidhean teasairginn air a bhith a' sireadh fhir a bha a dhìth bho Dhisathairne.

Chaidh an duine, a bha a' coiseachd air Beinn Starbh, a lorg le heileacoptair teasairginn bhon Chabhlach Rìoghail.

Chaidh fios air na seirbheisean-èiginn mu 8:00f air oidhche Shathairne nuair nach do thill an duine nuair a bha dùil ris.

Rinn Sgioba Teasairginn Ghleann Chomhann oidhirp air an duine a lorg, ach b' fheudar dhaibh stad aig 04:00m ri linn droch shìde.

Lean iad orra aig 08:00m agus chaidh corp a lorg ann an Coire Lotha aig 1:17f air feasgair na Sàbaid.

Thugadh an corp le heileacoptair dhan Ghearasdan.

Bha sgiobaidhean-teasairginn Loch Abair agus an Òbain, poilis le coin agus an RAF cuideachd an sàs anns an iomairt.

Cha deach an duine ainmeachadh fhathast.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile