Bonn airgid na thogail dha Kerry Nic a' Phì

  • 21 An t-Iuchar 2014
Kerry Nic a' Phì
Image caption Bidh e na fhìor thogail dhi gun do rinn i an gnothach an aghaidh mòran de na farpaisich a bhios na h-aghaidh aig na Geamaichean.

Choisinn Kerry Nic a Phì, às Uibhist a Deas, bonn airgid aig Farpaisean Baidhsagal-beinne Bhreatainn ann an Shropshire, dìreach seachdain mus gabh i pàirt ann an Geamaichean a' Cho-Fhlaitheis.

Tha dòchas gun toir seo togail agus misneachd dha Kerry, 's a h-ullachadh airson nan Geamaichean air a bhith gu math riaslach.

Chaill Kerry grunn làithean de thrèanadh o chionn ghoirid, 's aice ri ùine a chur seachad anns an ospadal às dèidh dhith a bhith air a goirteachadh.

Cha do shlànaich lotan a fhuair i nuair a thàinig i far a baidhsagail le cungaidhean-leigheis antibiotic.

Ged a bha na cungaidhean-leigheis ga fàgail a' faireachdainn slaodach agus gann de mhisneachd, rinn Kerry a' chùis aig gach tè a bh' anns an fharpais ach a-mhàin Annie Last, a choisinn am Bonn Òir.

Iongantas

A rèir Kerry fhèin, cha robh i an dùil ris an seo idir.

Bidh e na fhìor thogail dhi gun do rinn i an gnothach an aghaidh mòran de na farpaisich a bhios na h-aghaidh aig na Geamaichean air an an 29mh là den Iuchar, aig Bràighean Cathkin.

'S i Kerry a' chiad bhoireannach às na h-Eileanan an Iar a ghabhas pàirt ann an Geamaichean a' Cho-fhlaitheis.

Tòisichidh na geamaichean air an 23mh den Iuchair.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile