Batan na Bànrigh sna h-Eileanan an Iar

  • 7 An t-Iuchar 2014
Batan Glaschu 2014 Image copyright Glasgow 2014
Image caption Tòisichidh earrann nan Eilean Siar dhan turas phàirteach air feasgair Diluain.

Ruigidh Batan na Bànrigh Barraigh Diluain, aig toiseach slighe tro na h-Eileanan an Iar.

Chaidh 60 duine a thaghadh gu sònraichte airson am batan a ghiùlain tro na h-Eileanan air fad, 's i a' gluasad gu tuath madainn Dimàirt.

Tòisichidh earrann nan Eilean Siar den turas phàirteach feasgair Diluain.

Bidh pìobaire a' feitheamh air an Tràigh Mhòir ann am Barraigh airson fàilte a chur air a' bhatan, a tha gu bhith a' sgèith a-steach à Glaschu.

Cuirm

Chaidh còignear às an sgìre fhèin a thaghadh gu sònraichte leis a' choimhearsnachd airson am batan a ghiùlain.

Thèid cuirm a chumail ann am Bàgh a' Chaisteil, far am bi ceòl agus spòrs a' feitheamh air a h-uile duine.

Am measg na bhios a' tachairt, thathas gu bhith a' feuchainn air an dannsa Strip the Willow as motha a chaidh fhaicinn riamh ann am Barraigh.

Cuiridh am batan oidhche seachad ann am Bàgh a' Chaisteil, mus tòisich e air a shlighe gu tuath tro Èirisgeigh, Uibhist, agus Na Hearadh, gu ruige Rubha Robhanais ann an ceann a tuath Leòdhais.

Tuilleadh air an sgeulachd seo

Timcheall a' BhBC

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile