Comhairle iomagaineach mu sheirbheisean aiseig

  • 27 An t-Ogmhìos 2014
Ìomhaigh den Loch Seaforth
Image caption Tha dragh air Comhairle nan Eilean Siar nach eil seirbheisean aiseig dhan sgìre math gu lèor airson dèiligeadh ris an iarrtas a th' ann.

Tha Comhairle nan Eilean Siar gus sgrìobhadh gu Ministear na Còmhdhail is dragh orra nach eil seirbheisean aiseig dhan sgìre math gu lèor airson dèiligeadh ris an iarrtas a th' ann.

Iarraidh iad coinneamh ris a' mhinistear cho luath 's a ghabhas.

Dhearbh Comhairle nan Eilean Siar gun cuir an ceannard, Aonghas Caimbeul, agus Cathraiche na Còmhdhail, Iain MacAoidh, litir a dh'ionnsaigh Ministear na Còmhdail ann an Dùn Èideann, Keith Brown, agus iomagain air an ùghdarras mu sheirbheisean aiseig.

Iarrtas

Tha iad ag ràdh gu bheil iarrtas a bharrachd ann air an t-slighe eadar Ulapul is Stèornabhagh agus nach dèan e a' chùis idir gum bi an aiseag ùr, an Loch Seaforth, ag obair air a' chlàr-ama a th' ann mar-thà.

Thuirt Mgr MacAoidh nach eil seirbheisean aiseig dha na h-Eileanan idir math gu leòr aig àm nuair a tha tha dùil ri luchd-tadhail a bharrachd, agus farpaisean leithid Geamaichean a' Cho-Fhlaitheis is Cupa Ryder ann an Alba.

Thuirt Aonghas Caimbeul gu bheil feum air bàta eile a bhith ag obair còmhla ris an aiseag ùr, agus thuirt e gu bheil a' Chomhairle airson coinneachadh ris a' mhinistear cho luath 's a ghabhas gus an gnothach a dheasbad.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile