Tosgaire ùr dhan HebCelt

Donnchadh Siosalach Bha dàimh eadar Donnchadh Siosalach agus an HebCelt bho thoiseach na fèis.

Chaidh am fìdhlear, Donnchadh Siosalach, ainmeachadh mar thosgaire Fèis Cheilteach Innse Gall.

Gheibh Mgr Siosalach, a thogadh faisg air Inbhir Nis, cuideachd àite ann an liosta de ghaisgich na fèise, 's iad airson urram a thoirt dha airson na rinn e ann an saoghal a' chiùil thraidiseanta thar nam bliadhnaichean.

Nochd e an toiseach aig an fhèis ann an 1996 - a' chiad turas a bha i ann - is tha e air nochadh air an àrd-urlar còig tursan bhon uair sin.

Tillidh e 'son fèis na bliadhna seo eadar an 16mh agus an 19mh den Iuchar.

Air leth

"S e fèis air leth a tha san HebCelt is bidh mi daonnan ag innse do dhaoine mu dheidhinn nuair a tha mi a' siubhail timcheall an t-saoghail," thuirt Donnchadh.

"S e an diofar a-nise gum bi mi ga dhèanamh gu h-oifigeil mar thosgaire.

"Tha muinntir Leòdhais cho faisg air an fhèis agus 's e turas sònraichte a th' ann dhan eilean, làn chiùil agus cothrom coinneachadh ri seann chàirdean.

"Tha an fhèis air a bhith na pàirt de shaoghal a' chiùil sa cheann a tuath fad 20 bliadhna a-nise agus 's e tlachd a th' ann a bhith a' coimhead air mar tha i a' fàs, le cothrom ann do luchd-ciùil ùr, cho math ri feadhainn aig a bheil cliù gu h-eadar-nàiseanta," thuirt e.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.