Cidhe Ghlinn Eilge air a chàradh

  • 6 An t-Ogmhìos 2014
MV Glenachulish Image copyright Dave Fergusson/Geograph
Image caption 'S ann leis a' choimhearsnachd a tha an aiseag.

Chaidh seann chidhe Ghlinn Eilge a chàradh - rud a tha a' ciallachadh gum faigh an MV Glenachulish air cumail oirre air an t-slighe eadar am baile is Caol Reatha.

Bha droch staid a' chidhe air ceist a thogail mun t-seirbheis.

Thàinig taic-airgid £31,500 bho Iomairt na Gàidhealtachd is nan Eilean gus an obair a chrìochnachadh mus tòisich seusan an t-Samhraidh.

Chaidh an aiseag a pheantadh às ùr cuideachd leis na dathan a bh' oirre bho thùs.

Bidh cuirm ann, aig a' chidhe air an 27mh den Ògmhios is Camshroin Loch Iall fhèin an làthair.

Riochdachadh

Bidh e a' riochdachadh Companaidh Aiseig Bhaile a' Chaolais, aig an robh am bàta bho thùs.

'S i an Glenachulish an aon bhàta ga seòrsa a tha fhathast aig muir.

Tha clàr air a' bhàta a tha a' tionndadh gus carbadan a leigeil oirre agus a leigeil dhith - agus 's e an criubha a tha ga obrachadh.

Tha an Glenachulish air a bhith ann an làmhan na coimhearsnachd bho 2007.

Bidh timcheall air 12,000 duine a' dol eadar Gleann Eilge is Caol Reatha gach bliadhna agus tha an t-seirbheis a' cumail cosnaidh ri ochdnar.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile