An "ath Mhodaràtair" a' leigeil seachad a dhreuchd

An t-Urramach Aonghas Moireasdan Thuirt an Dotair Moireasdan gur e co-dhùnadh dhuilich a bh' ann dha, ach an co-dhùnadh ceart.

Tha Eaglais na h-Alba air innse nach bi an t-Urramach Aonghas Moireasdan na Mhodaràtair am-bliadhna mar a bha dùil.

Thuirt neach-labhairt bhon Eaglais gun robh ceistean air èirigh mu a shlàinte, agus gun d' fhuair e comhairle an dreuchd a leigeil seachad.

Seo a' chiad uair a-riamh a tha a' cheist seo air èirigh san Eaglais.

Bha dùil gum biodh an t-Urr. Aonghas Moireasdan a' gabhail àite an t-Àrd-Urramaich Lorna Hood mar Mhodaràtair Eaglais na h-Alba aig an Àrd-Sheanadh sa Chèitean.

Dhearbh an Eaglais ge-tà, nach eil slàinte an Dotair Moireasdan aig ìre a leigeadh leis sin a dhèanamh.

Thuirt an Dotair Moireasdan, aig a bheil coitheanal ann an Siorrachd Pheairt, agus a bha roimhe na mhinistear ann an Eaglais an Naoimh Chaluim Cille ann an Steòrnabhagh, gur e co-dhùnadh dhuilich a bh' ann dha, ach an co-dhùnadh ceart.

Tha e an-dràsta a' faighinn leigheas meidigeach agus dùil gun tèid e fo obair-lannsa.

Coinnichidh a' chomataidh a bhios a' taghadh tagraiche airson dreuchd a' Mhodaràtair sa chola-deug a tha romhainn, 's tha dùil gun ainmich iad an ath Mhodaràtair air an dara là den Ghiblean.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.