C Diff san Ràthaig Mhòir a-rithist

  • 18 Am Màrt 2014
Ospadal an Ràthaig Mhòir
Tha NHS na Gàidhealtachd ag ràdh gu bheil an suidheachadh aca fo smachd.

Tha uard 5C ann an Ospadal an Ràthaig Mhòir ann an Inbhir Nis dùinte do dh'euslaintich ùra, às dèidh mar a chaidh dà chùis den ghalar C Diffiicile a dhearbhadh ann.

Tha NHS na Gàidhealtachd ag ràdh ge-tà, gu bheil an suidheachadh aca fo smachd.

Ged a bhios am bacterium C Difficile a' nochdadh ann an uardan ospadail bho àm gu àm, tha an dà chùis dheth a chaidh a dhearbhadh ann an uard 5C ann an Ospadal an Ràthaig Mhòir nas àirde nan abhaist.

Tha NHS na Gàidhealtachd a-nis air an uard a dhùnadh do dh'euslaintich ùra airson leigeil le obair-glanaidh mhionaideach a bhith air a dèanamh.

Thuirt an Dotair Jonty Mills, a tha na àrd-mhicrobiologist ann an Ospadal an Ràthaig Mhòir, gun d' fhuair iad smachd air a' ghalair aig ìre thràth, agus gur e glè bheag de chunnart a th' ann gun sgap e gu euslaintich eile, luchd-tadhail neo luchd-obrach an ospadail.