Mì-thoileachas le planaichean a' Cho-op

Bùth air air Tairbeart Tha fearg air luchd-gnothachais air an Tairbeart sna Hearadh agus e air tighinn am bàrr gu bheil an Co-op airson bùth ùr fhosgladh sa bhaile.

Tha fearg air luchd-gnothachais air an Tairbeart sna Hearadh agus e air tighinn am bàrr gu bheil an Co-op airson bùth ùr fhosgladh sa bhaile.

Tha dragh mòr orra mun bhuaidh a bheireadh sin air na gnìomhachasan aca fhèin.

Tha iad cuideachd mì-thoilichte gu bheil Urras Ceann a Tuath na Hearadh air a bhith a' bruidhinn ris a' bhuidhinn mu dheidhinn a' mholaidh.

Chaidh coinneamh bhliadhnail gu math sradagach aig Urras Ceann a Tuath na Hearadh a chumail o chionn beagan làithean.

Mì-thoileachas

Bha an luchd-gnothachais a bha an làthair gu math mì-thoilichte leis na planaichean.

Tha e air a thighinn am follais gun do sgrìobh an Co-op chun an Urrais san Lùnastal an-uiridh a' lorg làraich fhreagarraich, agus gun deach còmhraidhean a chumail eatorra.

Tha luchd nam bùithdean ag ràdh, ma 's e 's gun tig an Co-op a-steach, gun cuir e crìoch orra-san.

Thuirt an t-Urras gun robh cùisean aig ìre gu math tràth fhathast agus nach biodh iad air cùisean a ghluasad air adhart gu ìre mhòir sam bith gun innse do dhaoine agus do luchd nam bùithdean dè bha a' tachairt, gus cothrom a thoirt dhaibh am beachd a thoirt seachad.

Chaidh aontachadh aig a' choinneimh bhliadhnail conaltradh a dhèanamh leis an t-sluagh a dh'fhaicinn dè am beachd a th' aig daoine air a' chùis.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


  • Am prìomh thogalachCampas ùr Inbhir Nis

    Tha obair a' leantainn aig làrach ùr Colaiste Inbhir Nis, le leasachaidhean eile na broinn.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.