Ginealach 2014: Isabelle Bain

Isabelle Bain "Tha tòrr air a ràdh anns a' Phàipear Gheal mu na tha an SNP ag iarraidh tachairt, ach chan eil cinnt ann gun tachair na rudan seo."

Sgeulachdan co-cheangailte

Tha mi a' smaoineachadh gur e cothrom uabhasach sònraichte a th' anns an referendum dha sluagh na h-Alba an inntinn a dhèanamh an-àirde mu mar a bhios an dùthaich againn air a riaghladh.

Tha mise a' smaoineachadh gu bheil mi a' dol a bhòtadh "cha bu chòir" anns an referendum.

'S e am prìomh adhbhar a th' agam airson seo nach eil cinnt ann gum bi sinn càil nas fheàrr dheth ma bhios sinn neo-eisimeileach na mar a tha sinn an-dràsta.

Chan eil fhios againn fiù 's dè an seòrsa airgid a bhios againn ma bhios sinn neo-eisimeileach.

Chan eil cinnt ann a bharrachd am bi Alba neo-eisimeileach na ball den Aonadh Eòrpach.

Mì-chinnt

Tha tòrr air a ràdh anns a' Phàipear Gheal mu na tha an SNP ag iarraidh tachairt, ach chan eil cinnt ann gun tachair na rudan seo.

Tha mi a' smaoineachadh gur e cuspair cudromach dhan òigridh a th' anns an referendum.

'S e sinne, an òigridh, a chì buaidh an referendum oir 's e sinne a dh'fheumas a bhith beò ann an Alba, ge bith dè an taobh a bhuannaicheas anns an t-Sultain.

Nam bheachd-sa, tha ùidh mhòr aig an òigridh anns a' chuspair.

Tha mise air bhith a' bruidhinn ri mo charaidean mu dheidhinn agus tha sinn air a bhith a' deasbad mu dè an taobh air a bheil sinn.

Tha mi a' smaoineachadh gum feum sinn barrachd fiosrachaidh mun a h-uile cuspair co-cheangailte ris an referendum, fiosrachadh freagarrach, chan e dìreach beachdan agus rudan a tha daoine an dòchas a thachras.

An Gearran, 2014

Tuilleadh mun sgeulachd seo

Sgeulachdan co-cheangailte

Sgeulachdan aithriseach

  • Gleann DailBàird Ghleann Dail

    Leabhar ùr ga fhoillseachadh a tha a' toirt ri chèile bàrdachd Dhòmhnall nan Òran agus bàrdachd a mhac, Niall 's Iain Dubh.


  • Caisteal Inbhir NisIonad-turasachd ùr san amharc?

    Buidheann-obrach ùr ga stèidheachadh gus beachdachadh air Caisteal Inbhir Nis.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.