Buaireadh mu ainm taigh-tasgaidh

Dùn Deòrsa Chaidh cuid de stuthan eachdraidheil na rèiseamaid a reic gus pàigheadh airson an leasachaidh.

Tha còrr is mìle duine air an ainmean a chur ri athchuinge a' cur an aghaidh mar a chaidh ainm taigh-tasgaidh an airm aig Gearasdan Sheòrais atharrachadh.

Tha seann shaighdearan bho Rèiseamaid Ghàidheal na Bàn-righinn ag ràdh gu bheil cunnart ann gun tèid an rèiseamaid aca à cuimhne, agus an t-ionad a-nis fon ainm "Highlanders Museum."

'S e "Queen's Own Highlanders Regimental Museum" a b' àbhaist a bhith air an ionad, mus deach a leasachadh gu mòr.

Tha iad cuideachd feargach gun deach stuth eachdraidheil a bhuinneadh dhan rèiseamaid aca a reic airson airgead a thogail mu choinneimh na h-obrach-leasachaidh.

Tha ceannardan an taigh-tasgaidh ag ràdh gun deach an t-ainm ùr a thaghadh gus eachdraidh nan rèiseamaidean Gàidhealach uile a riochdachadh.

Tha iad cuideachd ag ràdh gun robh e deatamach gun deigheadh cuid den stuth eachdraidheil a reic airson airgead a chur ris an obair-leasachaidh - a chaidh a chuideachadh cuideachd leis a' chleasaiche ainmeil Hugh Grant.

Mar phàirt den iomairt bidh na seann shaighdearan a' caismeachd gu Gearasdan Sheòrais air an ath-mhìos.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.