Cead ga thoirt airson flataichean ùra

Sràid na h-Acadamaidh Bha aig comhairlichean na Gàidhealtachd Dimàirt ri beachdachadh air dà iarrtas planaidh a bha airson leasachadh a thoirt air meadhan a' bhaile.

Chaidh cead-dealbhachaidh a thoirt seachad airson flataichean ùra a thogail air Sràid na h-Acadamaidh ann an Inbhir Nis.

Bidh dà bhùth an cois an leasachaidh, agus bidh co-dhiù an dara leth de na h-àiteachan fuirich ri fhaighinn air prìs ìosal.

Tha a' chompanaidh leasachaidh, Ark Estates, a' dol a leagail seann thogalaichean, a bha clàraichte mar thoglaichean eachdraidheil, air Sràid na h-Acadamaidh.

Iarrtasan

Bha dùil gum biodh comhairlichean na Gàidhealtachd Dimàirt a' beachdachadh air dà iarrtas planaidh a bha airson leasachadh a thoirt air meadhan a' bhaile.

Bha a' chiad iarrtas airson 31 flat a thogail air Sràid na h-Acadamaidh, le dà ionad coimearsalta nan cois, agus an dara iarrtas airson taigh-òsta a thogail air seann làrach amar-snàimh ri taobh Drochaid nam Manach, làrach a tha air a bhith bàn fad bhliadhnaichean.

Dh'aontaich comataidh dealbhachaidh na Comhairle cead a thoirt seachad airson nam flataichean, agus chan eil fios aig an ìre seo cuin a thèid tòiseachadh air an obair-togail.

Taigh-òsta

B' e planaichean mòra a bh' aig a' chompanaidh, Carlton Rock, le iarrtas dealbhachaidh airson taigh-òsta ùr, seachd làir de dh'àirde a thogail.

Ged a bha oifigearan na Comhairle an dùil taic a chur ris, airson adhbharan nach eil soilleir, tharraing a' chompanaidh a-mach aig a' mhionaid mu dheireadh.

Thuirt Donaidh Mac Ille Chiar, Comhairliche Meadhan Inbhir Nis, nach robh e cinnteach an robh seo a' ciallachadh nach tigeadh iarrtas eile bhuapa, no an e dìreach dàil a bhiodh ann.

Tha an suidheachadh a' fàgail cheistean aig gu leòr dhaoine san sgìre, agus air Comhairle na Gàidhealtachd.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.