Dragh mu thaighean làmh ri Àraich Chùil Lodair

  • 7 Am Faoilleach 2014
Àraich Chùil Lodair Image copyright Undiscovered Scotland
Image caption Tha dùil ri 16 taighean air iomall Bhaile an Loch.

Tha dragh air luchd-iomairt gun tèid milleadh a dhèanamh air Àraich Chùil Lodair às dèidh mar a chaidh cead-dealbhachaidh a thoirt do leasachadh taigheadais.

Dhiùlt Comhairle na Gàidhealtachd cead a thoirt don phròiseact airson 16 taighean a thogail mu leth mhìle bhon àrach aig Viewhill ann am Baile an Loch.

Ach rinn a' chompanaidh leasachaidh Oighreachdan Inbhir Nis ath-thagradh gu Riaghaltas na h-Alba, a th' air co-dhùnadh gum faod iad a dhol air adhairt.

Thuirt labhraiche don Riaghaltas:

"Dh'fhoillsich an neach-aithris a tha an urra ris a' chùis seo sanas rùin (intentions notice) a tha a' ciallachadh gun toirear cead-dealbhachaidh seachad a rèir 's ma thèid aonta a ruighinn eadar a' Chomhairle agus an luchd-tagraidh a thaobh maoineachaidh do thaigheadas air prìs reusanta, agus leasachaidhean air slighean baidhseagail agus coise.

"Aon uair 's gun ruigear an t-aonta seo, innsidh an neach-aithris a cho-dhùnadh deireannadh air an ath-thagradh.

"Tha an neach-aithris air aontachadh le Alba Aosmhor nach eil coltas gun toir am pròiseact buaidh sam bith air caractar agus faireachdainn sgìre na h-àraich."

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile