Eaglais Chaitligeach ga càineadh mu Chille Chuimein

Abaid Chille Chuimein Tha casaidean ann gun do thachair droch dhìol is drabastachd aig dà sgoil Chaitligeach an Alba.

Tha càineadh ga dhèanamh air an Eaglais Chaitligich an Alba co-cheangailte ri mar a tha iad a' dèiligeadh ri daoine a dh'fhulaing droch dhìol is drabastachd nan òige.

Cha-mhòr nach eil còig mìosan bho thàinig fios mu sgainneal aig dà sgoil Chaitligeach, agus chaidh a ràdh nach eil duine le àrd-dhreuchd san eaglais air taic a thabhainn air daoine a dh'fhulaing.

A-nis, tha feadhainn a bh' ann an sgoiltean Chille Chuimein is Charlekemp air cantainn gu bheil an eaglais air an trèigsinn.

Nuair a thàinig sgainneal Chille Chuimein am bàrr, thuirt an Eaglais Chaitligeach nach robh gnothach aca ris, gur e an t-òrdugh Benedictine a bha a' ruith na sgoile.

Ach às dèidh dhan sgeulachd fàs na bu mhotha thuirt fear de dh'àrd-bhuill na h-eaglaise, an t-Easbaig Uisdean Gilbert, gun deadh a h-uile càil a ghabhadh dèanamh a dhèanamh airson nan daoine a dh'fhulaing droch dhìol is drabastachd.

Ach, còig mìosan bho nochd an sgainneil air prògram aig a' BhBC, tha e an dèidh thighinn a-mach nach do thabhainn daoine bhon eagalis taic dhan fheadhainn a dh'fhulaing.

Thuirt an Eagalis Chaitligeach ris a' BhBC gun èist iad ri duine sam bith a dh'fhulaing droch dhìol no drabastachd.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.