Bacadh ga chur air tuath-gaoithe Uibhist

  • 19 An Dùbhlachd 2013
Crann-gaoithe
Image caption Thèid rannsachadh dealbhachaidh a dhèanamh le Riaghaltas na h-Alba.

Chaidh buille a thoirt do phlanaichean coimhearsnachd Uibhist a Tuath, agus Riaghaltas na h-Alba a' dol a dhèanamh rannsachadh dealbhachaidh air dà chrann-gaoithe a tha Companaidh Leasachaidh Uibhist a Tuath am beachd a thogail ann an sgìre a' Chlachain.

Thug Comhairle nan Eilean Siar cead dhan dà chrann, a bhiodh a' cruthachadh mu dhà Mhegawatt, air a' mhìos a chaidh seachad, a dh'aindeoin ghearainean bho Mhinistrealachd an Dìon gun toireadh iad droch bhuaidh air siostaman rèidear Raon Rocaid Uibhist.

Bidh Màrt na h-ath-bhliadhna ann, air a' char as tràithe, mus tig co-dhùnadh.

Thuirt Comhairliche na sgìre, Uisdean Robasdan, fiù 's ged a dheadh iad air adhart, gun cailleadh iad an còigeamh cuid den teachd-a-steach leis nach d' fhuair iad an cead ron Bhliadhn' Ùir.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile