Càin do chroitear a bha a' ruith taigh-spadaidh

  • 18 An Dùbhlachd 2013
Caoraich
Lorgar 77 cinn chaorach, am measg eile, anns an t-sabhal.

Chaidh càin £1,500 air croitear ann an Leòdhas às dèidh mar a fhuaireadh ciontach e de bhith a' ruith taigh-spadaidh mhì-laghail.

Chuala Cùirt an t-Siorraidh ann an Steòrnabhagh nach do chuir Tormod Caimbeul, a tha 24 agus à Àrnol air taobh siar an eilein, càil air dòigh airson stad a chur air galairean leithid BSE/CJD bho bhith a' sgapadh.

Bha e cuideachd fo chasaid gun do bhris e riaghailtean slàinte a' bhìdh, ach fhuaireadh na casaidean sin neo-dhearbhte.

Dh'innis luchd-obrach na Comhairle, agus luchd-obrach slàinte bheathaichean don Chùirt roimhe gun robh iad air 77 cinn chaorach a lorg, am measg eile, ann sabhal a' Chaimbeulaich air a' chroit aige.