Iarrtas cìse an uisge-bheatha

Uisge-beatha Thugadh an t-àrdachadh air falbh bho leann anns a' Mhàrt.

Chuir Comann Uisge-Bheatha na h-Alba iomairt air chois 's iad ag iarraidh air Riaghaltas Bhreatainn cuidhteas fhaighinn den àrdachadh bhliadhnail air cìs na dibhe.

Tha an Comann a-nis ag iarraidh air a' phoball a' chùis a thogail leis na Buill-Phàrlamaid aca.

Chaidh cuir às do chìs chunbhalach na dìbhe - a tha a' toirt àrdachaidh de 2% thairis air ìre na h-atmhorachd gach bliadhna air prìs an deoch làidir - air leann ann am Bhuidseat a' Mhàirt, ach tha e fhathast a' toirt buaidh air prìsean spioradan agus fìona.

Tha Comann Uisge-beatha na h-Alba a' cumail a-mach gu bheil a chìs a' dèanamh cron air na tha de dh'uisge-bheatha na h-Alba ga reic ann am Breatainn agus a' peanasachdh luchd-ceannaich aig àm glè dhuilich.

A rèir na buidhne, thàinig crìonadh de 12% air na tha de dh'uisge-bheatha ga reic san Rìoghachd Aonaichte bho chaidh a' chìs a stèidheachadh.

Thuirt Roinn an Ionmhais gu bheil iad a' toirt an taic dhan ghnìomhachas agus gur e a' mhargaidh às-mhalairt - a tha saor o chìsean cusbainn - a tha a' dèanamh suas 90% de mhargaidh an uisge-bheatha.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.