Poidseadh air oighreachd Àird nam Murchan

Fèidh ruadha Tha oighreachd Àird nam Murchan ag ràdh gu bheil buidheann de phoidsearan air a bhith a' sealg bheathaichean gu ìre choimearsalta air an talamh aca.

Tha uachdaran air a' Ghàidhealtachd a' tabhann suas ri £5,000 airson fiosrachadh a bhiodh feumail gus poidsearan a chur an grèim.

Tha Poilis na h-Alba air dearbhadh gu bheil iad a' rannsachadh tachartais air oighreachd Àird nam Murchan, 's an t-uchdaran a' cumail a-mach gu bheil buidheann de phoidsearan air a bhith a' marbhadh bheathaichean airson an reic.

A rèir na h-oighreachd tha gunnaichean cumhachdach agus uidheamachd airson an cumail sàmhach aig na poidsearan, agus tha iad air a bhith a' sealg bheathaichean gu ìre choimearsalta air an talamh aca.

Tha iad a' cumail a-mach gu bheil iad a' reic nan closaichean airson suas ri £250 an urra.

Dhearbh Poilis na h-Alba gu bheil iad air rannsachadh a chur air dòigh ann an Àird nam Murchan.

Thuirt oifigearan nach bu chòir do mhuinntir an àite feuchainn ri dèiligeadh leis na poidsearan, ach fios a chur air na poilis.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.