Sgudal niuclasach air a' mhuir

  • 9 An Dùbhlachd 2013

Dh'fhaodadh gun tèid sgudal niuclasach à Dùnrath ann an Gallaibh a chur a Chumbria air a' mhuir airson giollachd.

Tha Ùghdarras an Dì-choimiseanaidh Niuclasaich, a tha an urra ri bhith a' toirt obair Dhùnrath gu crìch, ag ràdh gu bheil iad a' beachdachadh air luingeas, a thuilleadh air trèanaichean, airson an sgudal niuclasach a ghluasad.

Thèid luchdan beaga den sgudal a ghluasad gu deas ann an sreath de thursan a thòisicheas deireadh 2014, le dùil gum mair sin sia bliadhna.