Leasachadh Chaisteal Leòdhais

Caisteal Leòdhais Tha dùil gum fosgail an taigh-tasgaidh as t-Samhradh 2015.

Tha dòchas ann gun tig airgead a dh'aithghearr airson na h-ath ìre de leasachadh air Caisteal Leòdhais ann an Steòrnabhagh.

Chaidh faisg air £6m a chomharrachadh mar-thà agus tha Comhairle nan Eilean Siar an dòchas naidheachd fhaighinn mun chòrr den airgead aig toiseach na h-ath-bhliadhna.

Thuirt Stiùiriche Leasachaidh Eaconamaich na Comhairle, Joe Mac a' Phì: "Tha a' Chomhairle ag obair an-dràsta air maoineachadh fhaighinn airson a' chiad làr, agus os cionn sin, sa chaisteal.

"Tha còmhraidhean a' dol le companaidh a tha a' ruith gnìomhachas a thaobh turasachd agus taighean-òsta.

"Tha sinn cuideachd aig ìre far a bheil sinn a' bruidhinn ris na buidhnean maoineachaidh agus ag iarraidh cho luath 's a ghabhas an t-airgead sin a chruinneachadh."

Tha dùil gum fosgail an taigh-tasgaidh as t-Samhradh 2015.

Anns an eadar-ama tha mòran obrach ri dhèanamh, ach tha Mgr Mac a' Phì toilichte leis mar a tha gnothaichean a' dol gu ruige seo.

Leis na còmhraidhean a tha a' dol an-dràsta mu ghearraidhean buidseit, dhearbh Mgr Mac a' Phì nach eil uallach orra a thaobh airgid.

Thuirt e: "Tha làn-mhaoineachadh againn airson an taigh-tasgaidh 's an tasglann, agus làrach ìosal a' chaisteil.

"Chuir a' Chomhairle romhpa, nuair a thòisich iad air an seo, crìoch a chur air a' phròiseict.

"Tha mi a' smaointinn gur e toil na Comhairle, agus gu cinnteach toil a' mhòr-shluaigh, gum bi taigh-tasgaidh 's tasglann, caisteal, gnìomhachas turasachd, agus an t-seirbheis dhualchais a tha a' tighinn an cois na pròiseict, gum bi sin ann agus gum bi e aig fìor àrd-ìre, agus gum bi muinntir nan eilein air fad moiteil às a h-uile sgath a tha sinn a' dèanamh an seo."

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.