Bile an Referendum sa Phàrlamaid

Pàrlamaid na h-Alba Thèid a' bhòt a chumail air 18mh an t-Sultain 2014.

Thèid am bile tro Phàrlamaid na h-Alba Diardaoin a bheir cead seachad airson an referendum air neo-eisimeileachd.

Thèid an cuspair a chur ri muinntir na h-Alba air an 18mh là den t-Sultain an ath-bhliadhna.

Bheir am bile bunaid laghail dhan referendum.

Tha e a' stèidheachadh riaghailtean an referendum, agus na dh'fhaodas na h-iomairtean a chosg.

Thèid a dheasbad le buill air thoiseach air bhòt, leis a h-uile coltas ann gun tèid e troimhe.

Chaidh na th' anns a' bhile aontachadh roimhe ann an Aonta Dhùn Èideann, eadar Riaghaltas Bhreatainn agus Riaghaltas na h-Alba.

Feumaidh an t-aonta sin a bhith air a dhèanamh na lagh ge-tà, le bhith a' cur a' bhile tron Phàrlamaid.

Bidh 16 seachdainnean de dh'iomairt ann ro là an referendum, le casg air na dh'fhaodas gach taobh a chosg.

Thèid a' bhòt a chumail fo shùil Choimisein an Taghaidh, a tha an urra ri bhith a' dearbhadh gu bheileas a' cumail ris na riaghailtean, agus ri bhith a' cur fiosrachaidh mu dheidhinn an referendum mu choinneimh an t-sluaigh.

Chaidh reachdas fa-leth, a bheir cead do dhaoine aois 16 agus 17 bhòtadh san referendum a chur troimhe mar thà.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.