Seirbheis bhus do dh'aiseag Mhalaig

Thèid seirbheis bhus ùr a stèidheachadh airson luchd-cleachdaidh na seirbheis aiseig ùire eadar Loch Baghasdail agus Malaig.

Dh'aontaich a' chompanaidh Busaichean Seile sgeama pìleat fheuchainn far am bi bus a' feitheamh airson luchd-siubhail a thig far an aiseig a thoirt dhan Ghearasdan.

Bha Ball-Pàrlamaid nan Eilean Siar, Aonghas Brianan MacNìll, an sàs anns na còmhraidhean gus an t-seirbheis a chur air chois, agus thuirt e gun robh e ceart gum biodh leithid de sheirbheis ann.

Cuideachd, thug e taing do Dhonaidh MacIlleBhrath a tha a' ruith na companaidh bhusaichean.

Bidh am pìleat eadar Loch Baghasdail agus Malaig, a thòisicheas sa gheamhradh, a' dol fad trì bliadhna.

'S ann tron gheamhradh a-mhàin a bhios an t-seirbheis ann.

Sgeulachdan aithriseach

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.