Gearanan mu sgeama a' chonnaidh

Connadh Tha cuid de stèiseanan connaidh air a' Ghàidhealtachd den bheachd nach d'fhuair cothrom na fèinne a dhol an sàs sa sgeama.

Sgeulachdan co-cheangailte

Nochd gearanan mun doìgh sa tha Riaghaltas Westminster air leudachadh san sgeama faochaidh aca air prìsean connaidh a làimhsicheadh.

Chuir an Riaghaltas sgeama an sàs ann an eileanan na h-Alba mar-thà a tha a' toirt 5sg far gach liotar de chonnadh.

Tha iad a-nise am beachd an sgeama a leudachadh gu cuid de sgìrean air Tìr Mòr.

Tha feadhainn aig a bheil stèiseanan connaidh air a' Ghàidhealtachd ag ràdh ge-tà nach d'fhuair iad cothrom na fèinne a dhol an sàs san leudachadh.

Thuirt Stèisean Coimhearsnachd na Comraich nach robh ùine gu leòr aca freagairt a chur a-steach dhan cho-choimhearlachaidh is nach deach leotha nuair a dh'iarr iad ùine a bharrachd.

Draghan

Thuirt am BP Gàidhealach Teàrlach Ceanadach gu bheil grunn stèiseanan air draghan a thogail leis mun chùis.

Dh'innis e gu bheil e air bruidhinn ri Roinn an Ionmhais mu dheidhinn is gu bheil dùil aige coinneachadh riutha an ath-sheachdain.

Aig toiseach na seachdain thuirt tè de chomhairlichean na Gàidhealtachd, Audrey Nic na Ceardaich, gun do rinn an sgeama cron air cuid de sgìrean is daoine a' falbh gu bailtean eile 'son connadh nas saoire fhaighinn.

Thuirt i gum bu chòir beachdachadh air an sgeama a leudachadh gu Tìr Mòr na Gàidhealtachd air fad.

Tuilleadh mun sgeulachd seo

Sgeulachdan co-cheangailte

Sgeulachdan aithriseach

  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


  • Am prìomh thogalachCampas ùr Inbhir Nis

    Tha obair a' leantainn aig làrach ùr Colaiste Inbhir Nis, le leasachaidhean eile na broinn.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.