Am prìosan do dhrabasdair Inbhir Nis

Cùirt an t-Siorraidh, Inbhir Nis. Chaidh Iain Seathach fhaighinn ciontach leis a' mhòr-chuid den diùraidh aig Cuìrt an t-Siorraidh an Inbhir Nis.

Chaidh binn prìosain 18 mìosan air fear às Inbhir Nis a dh'fheuch ri boireannach èigneachadh sa bhaile.

Bha Iain Seathach, 59, air leigeil air gun robh grèim-cridhe a' tighinn air gus am boireannach, 27, a thàladh thuige is i a' ruith ri taobh a' Chanàil Chailleanaich air an 18mh den Fhaoilleach 2012.

Chaidh aig a' bhoireannach air teicheadh bho Sheathach.

Chuir Seathach tagradh air adhart an toiseach gun robh e air an eadar-lìon aig àm na h-ionnsaigh.

Cùirt

Chuala Cùirt an t-Siorraidh an Inbhir Nis ge-tà, gun do dh'aidich e ris na Poilis gun do thachair e ris a' bhoireannach ri taobh a' chanàil is gun do dh'fheuch e ri pòg a thoirt dhi.

Chaidh Seathach às àicheadh gun tug e ionnsaigh air a' bhoireannach is gun robh e 'son a h-èigneachadh, ach fhuaireadh ciontach e leis a' mhòr-chuid den diùraidh.

A thuilleadh air a' bhinn phrìosain a chuir an Siorram air, bidh Seathach cuideachd fo sgrùdadh 'son 30 mìosan nuair a gheibh e a shaorsa.

Thèid Seathach cuideachd a chur air Clàr nan Drabasdairean 'son 10 bliadhna.

Sgeulachdan aithriseach

  • FlòdaigearraidhÀrainneachd agus Cànan

    Cùrsa anns an Eilean Sgitheanach as t-samhradh far am faighear briathrachas na Gàidhlig airson leithid lusan agus ainmhidhean.


  • Miss PiggyClò Mòr air a' Bhan-Mhuic

    Chunnacas Miss Piggy ann an deise den Chlò Mhòr a rinneadh le Vivienne Westwood.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.