Connspaid mu choille Chaoidhich

Cuimhneachan aig Rosail Tha dà sheann bhaile anns a' choille, a chaidh fhuadachadh ann an 1814.

Chuir Riaghaltas na h-Alba stad air oidhirp Choimisein na Coilltearachd gus coille ann an Srath Nabhair a reic.

Chuir an Coimisean a' choille, aig Rosail, air a' mhargaidh fhosgailte air prìs £1,850,000.

Bha iad ag innse gu bheil a' choille, sa bheil 2, 572 hectaire (6,356 acair) ann an tè de na sgìrean "nàdarra" mu dheireadh ann an Alba.

Tha dà sheann bhaile anns a' choille, a chaidh fhuadachadh o chionn 199 bliadhna, ann am fuadaichean droch-ainmeil Shrath Nabhair ann an 1814.

'S ann an Rosail a rugadh Dòmhnall MacLeòid, a sgrìobh an leabhar Gloomy Memories, mu dheidhinn na thachair, agus a thug fianais air na thachair, 's e na bhodach, do Choimisean Napier.

Ghabh an Riaghaltas gnothach ris an reic às dèidh do luchd-iomairt an fhearainn gearain mu dheidhinn.

Thuirt iad gun robh e "iarranta" le eachdraidh chonnspaideach na sgìre, gun robh am fearann ga thabhainn do dhaoine prìobhaideach, agus gun robh dragh orra gun deadh a reic ri duine beartach à thall-thairis.

Chuir BPA Ghallaibh, Chataibh agus Rois, Rob Gibson, fàilte air co-dhùnadh an Riaghaltais stad a chur air an reic.

Thuirt e gum bu mhiann leis a' choille fhaicinn ann an làmhan na coimhearsnachd ionadail.

Chaidh a' choille a thoirt far làrach-lìn an luchd-reic.

Sgeulachdan aithriseach

  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


  • Am prìomh thogalachCampas ùr Inbhir Nis

    Tha obair a' leantainn aig làrach ùr Colaiste Inbhir Nis, le leasachaidhean eile na broinn.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.