Gilleasbuig MacUalraig

Gilleasbuig MacUalraig Bha ùidh mhòr aig Gilleasbuig ann an dualchas na sgìre aige.

Chaochaill Gilleasbuig MacUalraig, fear de na daoine mu dheireadh a bha fileanta ann an Gàidhlig Bhaile a' Chaolais on ghlùin, aois 90.

B'e mac mhanaidseir a' chuaraidh sglèata ann am Baile a' Chaolais, agus fhuair e iomadh sgeulachd, agus dual-chainnt bheartach na sgìre aig glùn athar agus a mhàthar.

Thogadh ann an Tigh Phuirt e, agus chuir e seachad a' chuid a bu mhotha de a shaoghal anns an sgìre, ach nuair a bha e san àrm tìde a' Chogaidh.

Nuair a thogadh e, bha an sglèat a' fàgail gur i a' Ghàidhlig a bu mhotha a bha ga bruidhinn san sgìre (b'i cainnt obrach a' chuaraidh) le cultar na Gàidhlig gu beòthail sa choimhearsnachd, agus bha e gu math mothachail gun robh an saoghal a b'aithne dha na òige seachad às dèidh don chuaraidh dùnadh ann an 1955.

Bha ùidh mhòr mhòr aige ann an eachdraidh is dualchas na sgìre, agus bhruidhinn e mu dheidhinn a' chuspair sin air an telebhisean agus air an rèidio.

Bha e fad iomadh bliadhna os cionn Meur Loch Abar a' Chomuinn Gàidhealaich, agus anns na 1990an, chaidh e na Cheann-suidhe air an Fhèille Phan-Cheiltich.

Chaochaill e Disathairne.

Thèid an tiodhlacadh a chumail ann an Eaglais Easbaigeach an Naoimh Moire ann an Gleann Comhann, aig 1:00f Diardaoin 17mh an Damhair.

Sgeulachdan aithriseach

  • Gleann DailBàird Ghleann Dail

    Leabhar ùr ga fhoillseachadh a tha a' toirt ri chèile bàrdachd Dhòmhnall nan Òran agus bàrdachd a mhac, Niall 's Iain Dubh.


  • Caisteal Inbhir NisIonad-turasachd ùr san amharc?

    Buidheann-obrach ùr ga stèidheachadh gus beachdachadh air Caisteal Inbhir Nis.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.