Tàilich a' lorg mhanaidseir ùir

Ceann Loch Seile is Bail' Ùr an t-Slèibh Tha Ceann Loch Seile air ceann a' mhaide a chumail ris na sgiobaidhean as fheàrr a th' ann fo stiùir Johnston Gill

Tha Ceann Loch Seile a' lorg mhanaidseir ùir is Johnston Gill air seasamh sìos.

Ghabh Gill an stiùir e fhèin ann an 2011 às dèidh dha a bhith san obair còmhla ri Cè Loades roimhe.

Bhuannaich Ceann Loch Seile Lìog Tuath 1 sa chiad seusan aige agus ghlèidh iad an t-àite aca sa Phrìomh Lìog an-uiridh, is iad cuideachd a' ruighinn iar chuairt dheireannach Chupa na Camanachd.

Chrìochnaich an sgioba san ochdamh àite sa Phrìomh Lìog am bliadhna.

'S e seo an linn as fheàrr ann an eachdraidh a' chluba is iad air a' chùis a dhèanamh air leithid Bhail' Ùir an t-Slèibh, Chaoil Bhòid agus Chinn a' Ghiuthsaich bho chaidh iad suas dhan Phrìomh Lìog.

Tha dùil gun tèid manaidsear ùr a thaghadh aig coinneimh bhliadhnail Chinn Loch Seile air an ath-mhìos.

Chan iad an aon sgioba air a' chost an iar a tha gun mhanaidsear is na nàbaidhean aca san Eilean Sgitheanach fhathast a' sireadh mhanaidsearan ùra son a' chiad agus darna sgiobaidhean aca.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.