Corp a' Chuilthinn air ainmeachadh

John Hamer Bha John Hamer cleachdte ri bhith a' coiseachd nam beann ann an iomadh dùthaich.

Chaidh fireannach a fhuair bàs 's e a' coiseachd sa Chuilthionn anns an Eilean Sgitheanach, ainmeachadh.

B' e John Hamer, a bha 66, 's a bhuinneadh do Chumbria, agus a bha cleachdte ri bhith a' coiseachd nam beann.

Thathas a' tuigsinn gun do thuit e far stalla às dèidh mar a chaidh a sgaradh bhon bhuidhinn leis an robh e air a' chuairt air a' mhìos a chaidh.

'S ann an Coire Ghrunnda, ann an sgìre Ghlinn Bhreatail, a bha e a' coiseachd.

Chaidh a chorp a lorg às dèidh iomairt-theasairginn san robh grunn sgiobannan an sàs.

Thug a bhean, Betty, taing don luchd-teasairginn.

"Tha na sgiobannan teasairginn air a bhith air leth taiceil, agus chum iad fios rium fad an dà là a bha iad a-muigh," thuirt i.

"'S e daoine saor-thoileach a th' annta air fad, 's cha do shaoil iad dad de bhith a' fàgail an àiteachan-obrach 's mòran uairean de thìde a chur seachad sa bheinn gu dìcheallach agus gun sgìths."

Bha Mgr Hamer, a leig dheth a dhreuchd mar oifigear dealbhachaidh le Comhairle Chathair Luail o chionn seachd bliadhna, air a h-uile tè de na beanntan as àirde ann an Sasainn, Alba agus a' Cuimrigh a dhìreadh.

Bha e cuideachd air coiseachd agus sreap sna h-Alpaichean, sna Himalayas, agus ann am Beanntan Atlas ann an ceann a tuath Afraga còmhla ri a bhean, agus am mac Pòl.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • Gleann DailBàird Ghleann Dail

    Leabhar ùr ga fhoillseachadh a tha a' toirt ri chèile bàrdachd Dhòmhnall nan Òran agus bàrdachd a mhac, Niall 's Iain Dubh.


  • Caisteal Inbhir NisIonad-turasachd ùr san amharc?

    Buidheann-obrach ùr ga stèidheachadh gus beachdachadh air Caisteal Inbhir Nis.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.