Malaig gu Loch Baghasdal

MV Lord of the Isles 'S e an Lord of the Isles a bhios a' frithealadh na slighe

Sgeulachdan co-cheangailte

Dhearbh Ministear na Còmhdhail, Keith Brown, gum bi aiseag a' ruith eadar Malaig agus Loch Baghasdal fad trì bliadhna tron Gheamhradh mar sgeama dearbhaidh.

Tha iomairt mhòr air a bhith a' dol ann an Uibhist fad bhliadhnaichean airson seirbheis a Mhalaig, 's luchd-strì a' cumail a-mach gur e sin as goireasaiche dhaibh-san.

Tha dùil gur e an am bàt-aiseig an Lord of the Isles a bhios a' frithealadh na slighe.

Dà là

Bidh an t-seirbheis a' ruith dà là anns an t-seachdain - le tè de na seirbheisean sin aig an deireadh-sheachdain.

Tòisichidh an t-seirbheis ùr ann am meadhan na Samhna - agus bidh i a' ruith suas chun a' Ghiblein.

Cha bhi seirbheis ann fad trì seachdainnean sa Ghearran ge-tà, fhad 's a bhios an Lord of the Isles a' dol an àite aiseagan eile air am feumar obair-càraidh a dhèanamh.

Leanaidh na seirbheisean aiseig a bh' ann co-dhiù eadar Loch Baghasdal agus an t-Òban.

Thèid measadh a dhèanamh air mar a chaidh dhan t-seirbheis ùir nuair a thig an sgeama dearbhaidh gu ceann às dèidh trì bliadhna.

Tuilleadh mun sgeulachd seo

Sgeulachdan co-cheangailte

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.