£4m a bharrachd airson foghlam Gàidhlig

Tha Riaghaltas na h-Alba a' cur £4m a bharrachd ris na tha ga chosg air foghlam tro mheadhan na Gàidhlig thar an dà bhliadhna ri teachd.

Thèid an t-airgead a chur an sàs ann an sgoiltean air feadh na dùthcha far a bheil iarrtas.

Dh'ainmich Ministear na Gàidhlig, Alasdair Allan, an t-airgead agus Bun-sgoil Taobh na Pàirce ann an Dùn Èideann gu bhith air a fosgladh gu h-oifigeil an t-seachdain seo.

Thèid cuideachd figearan Gàidhlig a' Chunntais-Shluaigh bho 2011 fhoillseachadh.

"Tha a bhith a' tàladh chloinne chun na Gàidhlig riatanach mar phàirt den oidhirp againn air an cànan a ghlèidheadh mar phàirt bheò den chultar againn," thuirt e.

"Tha sinn air a chur romhainn cur gu mòr ris na th' ann de luchd-labhairt na Gàidhlig.

"Thèid am fiosrachadh air na th' ann de luchd-labhairt na Gàidhlig ann an Alba, a chaidh a chruinneachadh mar phàirt de Chunntas-sluaigh 2011, fhoillseachadh an t-seachdain seo.

"Tha fhios againn gu bheil na h-àireamhan de luchd-labhairt air a bhith a' crìonadh o chionn ùine mhòir.

"'S e sin as coireach gu bheil a bhith a' brosnachadh chloinne gus an cànan ionnsachadh cho cudromach," thuirt e.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.