Uamh Smùdha gu bhith a' dùnadh

  • 23 An t-Sultain 2013
Uamh Smùdha
Tha creagan ann an cuid den uaimh feumach air obair sàbhailteachd.

Tha Uamh Smùdha, ann an Dùthaich MhicAoidh, gu bhith air a dùnadh treis, agus obair ga dèanamh gus creagan innte a dhèanamh nas seasmhaiche.

Bidh còrr is 40,000 duine a' tadhail air an uaimh gach bliadhna.

'S e am beul-uamha aoil-chloiche as motha ann am Breatainn.

Thuirt Comhairle na Gàidhealtachd, a tha an urra ris an uaimh, gur dòcha gum feumte i a dhùnadh suas ri cola-deug bho 30mh an t-Sultain.

Bhiodh cuideachd na ceuman-coise a dh'ionnsaigh na h-uamha, agus a dh'ionnsaigh Geòdha Smùdha, dùinte.