Croitearan "slaodach" air croitean a chlàradh

Croitean Thàinig na riaghailtean ùra a-steach an cois an Achd ùir.

Chuala coinneamh bhliadhnail Caidreachas Croitearachd na h-Alba gur e glè bheag a th' air na croitean aca a chlàradh aig an ìre seo.

Fo riaghailtean ùra, feumaidh clàran croite a bhith air an lìonadh, agus mapaichean air an dealbhachadh, ma tha duine sam bith airson atharrachadh a dhèanamh air croit.

Chan e rud a dh'fheumas a h-uile croitear a dhèanamh.

"Tha rud beag airgid ann dhaibh ma gheibh iad an rud a-steach ro dheireadh na h-ath-mhìos," thuirt Murchadh MacIllinnein, a tha na Choimiseanair air Coimisean na Croitearachd.

"Chan eil fhios agam am bi cus dhaoine a' leum air sin aig deireadh na mìos, ach bidh fios aig a' mhòr-chuid, ma tha iad a' dol a dhèanamh càil mu dheidhinn nan croitean anns na bliadhnaichean a tha a' tighinn, gum feum an clàr a bhith dèanta.

"Ma tha duine ag iarraidh assignation no dì-chroitearachd a dhèanamh, feumaidh iad an uair sin an obair timcheall air a' chlàr a dhèanamh.

"Ach chan fheum a h-uile duine nach eil a' dèanamh càil mu dheidhinn an lot sin a dhèanamh.

"Ach air dhòigh eile, bidh e math do dhaoine seo a sgioblachadh dhaibh fhèin uaireigin, gun fhàgail ro fhada," thuirt e.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.