Bliadhna chun an Referendum

Bratach na h-Alba agus Bratach an Aonaidh Thèid an referendum a chumail air 18mh an t-Sultain 2014.

Tha bliadhna ri dhol mus bi muinntir na h-Alba a' bhòtadh anns an referendum air neo-eisimeileachd.

Tha an dà thaobh san deasbad a' cleachdadh an là an-diugh airson na h-argamaidean aca a chur air adhart.

"Tha mise gu math misneachail airson na h-iomairt a th' ann airson Yes," thuirt BPA nan Eilean Siar, Alasdair Allan.

"Air mo shon-sa, tha dà shlighe air adhart airson Alba. Chan eil fhios againn dè seòrsa Alba a bhios ann an ceann deich bliadhna, ge b'e na thachras san referendum.

"An diofar a th' ann le bhòtadh Yes, 's e sin gum bi cumhachd againne air dè seòrsa Alba a th' ann ann an deich bliadhna, no fichead bliadhna.

"'S e sin an diofair air mo shon-sa, agus air sgàth sin tha mi gu bhith a' bhòtadh airson an cumhachd sin a bhith ann an Alba," thuirt e.

Tha an iomairt Nas Fheàrr Còmhla - a tha airson 's gum fuirich Alba anns na Aonadh - ag iarraidh fhreagairtean air ceistean cudromach bhon SNP mu atharrachaidhean a thigeadh air Alba nam bhòtadh an sluagh airson neo-eisimeileachd.

"An rud a dh'fheumas a h-uile duine againn cuimhneachadh, 's e chan e taghadh pàrlamaideach a tha seo, chan e rud a tha seo a thig timcheall ann an trì bliadhna no còig bliadhna eile," thuirt Alasdair Moireasdan, a tha ag iomairt an aghaidh neo-eisimeileachd.

"Ma bhriseas Alba agus Breatainn às a chèile, 's e rud a th' ann nach gabh cur air ais ri chèile.

"Agus an rud a bhios sinne a' dèanamh, a h-uile duine a tha an sàs anns an iomairt Nas Fheàrr Còmhla, a' dearbhadh dhan t-sluagh cho soirbheachail 's a tha Breatainn, cho soirbheachail 's a tha Alba taobh a-staigh Bhreatainn, agus mar sin air adhart.

"B'fheàrr leinne a bhith a' deasbad rudan eile, anns a h-uile pàrtaidh a tha an sàs ann an Nas Fheàrr Còmhla, ach 's e Ailig Salmond a tha ag iarraidh an deasbad seo, agus feumaidh sinne, gu mì-fhortannach, ar n-aire a thoirt bho rudan cudromach agus a bhith an sàs anns an rud a tha seo," thuirt e.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.