Airgead do dh'ionadan ùra sna Hearadh

Thèid na h-ionadan a thogail fair air an Tairbeart.

Tha Urras Ceann a Tuath na Hearadh air taic-airgid £502,212 fhaighinn bhon Chrannchar Nàiseanta gus ionadan gnìomhachais a thogail.

Thèid trì ionadan a thogail faisg air an Tairbeart is bidh iad air an dèanamh ann an dòigh is nach cosg e mòran an ruith.

Thuirt Cathraiche Urras Ceann a Tuath na Hearadh, Calum MacAoidh, gu bheil an leasachadh a' tighinn à iarrtas a dh'èireach às a' choimhearsnachd.

Gnìomhachas

"Bha buidhnean agus daoine air a bhith a' tighinn thugainn bho chionn bhliadhnaichean a ràdh gun robh iad a' coimhead airson àite anns an dèanadh iad gnìomhachas agus anns an deadh iad air adhart le obair a chruthachadh ann an Ceann a Tuath na Hearadh".

Thuirt an Crannchar gun tig 13 cosnaidhean bhon leasachadh ach dh'innis Mgr MacAoidh gum bi sin a rèir cò thèid a-steach dha na h-ionadan.

"Aon de na h-amasan a th' aca gum bi daoine a gheibh airgead bhuapa a' cruthachadh chosnaidhean agus tachraidh sin gu cinnteach, ach chan eil cinnt sam bith gum bi 13 ann.

Cothroman

"Cuideachd tha e mar fhiathachadh oirnn gum bi daoine a gheibh an t-airgead seo a' toirt seachad cothroman trèanaidh agus ionnsachaidh do dhaoine òga agus tachraidh sin cuideachd", thuirt e.

Bidh feum air airgead a bharrachd is tha an t-urras air iarrtasan a dhèanamh gu buidhnean eile 'son an tuilleadh taic.

Tha an t-urras an dòchas gum faigh iad dearbhadh air an airgead air fad a tha a dhìth orra ro dheireadh 2013, is gur dòcha gum bi na h-ionadan deiseil bliadhna às dèidh sin.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • CofaidhCofaidh is Craic an Glaschu

    Fosglaidh cafaidh ùr ann an Glaschu an ath-mhìos do choimhearsnachd Gàidhlig a' bhaile.


  • DìleasRobo Chù Listen

    Luchd-saidheans ag ràdh gun gabhadh ròbotan a chleachdadh an àite chon-chaorach airson caoraich a bhuachailleachd.


BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.