Poilis a bharrachd air an A9

  • 11 An t-Sultain 2013
Na Poilis
Image caption Thuirt na poilis gu bheil iad ag obair gus an àireamh de thubaistean air an A9 a lùghdachadh.

Thuirt Poilis na h-Alba gu bheil barrachd oifigearan le èolas sònraichte air còmhdail a-nise ag obair air an A9 na bha a-riamh roimhe.

Chuir an t-seirbheis dìon orra fhèin às dèidh do dh'aithrisean nochdadh gum faodadh an àireamh de thubaistean air an A9 a ghearradh nam biodh oifigearan a bharrachd ag obair air an rathad.

Thuirt na poilis gu bheil iad air atharrachadh a thoirt air na dòighean-obrach aca bho chaidh an fheachd ùr nàiseanta a stèidheachadh sa Ghiblean.

Thuirt iad gu bheil oifigearan còmhdail a bharrachd a-nise stèidhichte air prìomh rathaidean ann an ceann a tuath na dùtcha.

Dh'innis Ceannard Roinn nan Rathaidean, an Superintendent Iain Moireach, gun do chuir iad plana gnìomh ùr an sàs san Iuchar a dh'fhàg gun do rinn iad tòrr a bharrachd obair air an A9.

Thuirt Mgr Moireach gu bheil na poilis mothachail mu shuidheachadh an A9 is gu bheil iad a' gabhail ceumanan gus an àireamh de thubaistean a lùghdachadh.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile