Sgrùdadh ga iarraidh mu Sgoil Abaid Chille Chuimein

  • 16 An Lùnasdal 2013

Tha ìmpidh ga chur air Riaghaltas na h-Alba sgrùdadh poblach a chur air dòigh mu chasaidean gun do dh'fhulaing sgoilearan droch dhìol is drabastachd aig Sgoil Abaid Chille Chuimein.

Tha casaidean drabastachd air nochdadh a-nis an aghaidh an treas mhanaich Astràilianaich, is amharas ann gun robh buidheann de dhrabastairean cloinne aig an sgoil Chaitligich a dhùin anns na 90an.

Dh'iarr dà charthannas cloinne sgrùdadh mun sgainneal.

Ach, tha Riaghaltas na h-Alba air cantainn gu bheil na casaidean an urra ris an Eaglais Chaitligich an Alba agus gu bheil an sgrùdadh an urra ris na poilis.