Binn 18 bliadhna sa phrìosan do mhurtairean Liam Aitchison

  • 28 An t-Ogmhìos 2013
Stefan Millar agus Jonatan MacFhionghuin Image copyright BBC Alba
Image caption Chaidh an dithis às àicheadh nan casaidean.

Cuiridh Ionatan MacFhionghain agus Stefan Millar co-dhiù 18 bliadhna seachad sa phrìosan airson murt an deugaire Liam Aitchison.

Chaidh an dithis fhaighinn ciontach nas tràithe air a' mhìos airson an gille à Uibhist a mhurt.

Chaidh corp Liam a lorg ann an seann togalach ann an Stèinis, air iomall Steòrnabhaigh anns an t-Samhain 2011.

Bha e air a bhith air a dhroch dhochann, air a shàthadh le sgithinn, agus air fhàgail leth-rùisgte.

Cionntach

Chuala a' chùirt gun deach an triùir a-mach air a chèile agus MacFhionghain is Millar a' dèanamh a-mach gun do ghoid Liam botal aftershave, 's gun robh iad a' sabaid mu dheidhinn, ach gun do dh'fhàg iad Liam 's e a' dèanamh air taigh caraid.

Chaidh Ionatan MacFhionghain agus Stefan Millar às àicheadh nan casaidean murt, ach fhuaireadh iad ciontach le diùraidh san Àrd-Chùirt ann an Glaschu nas tràithe air a' mhìos.

Anns an Àrd-Chùirt ann an Dùn Eideann Dihaoine, thuirt am Morair Kinclaven gun robh MacFhionghain agus Millar air beatha Liam a ghoid, agus gun do dh'fhàg seo a theaghlach ann an suidheachadh dòireannach.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile