Taighean-bìdhe gan diùltadh

Sgìan agus Greimiche Chaidh cead a dhiùltadh roimhe airson planaichean den leithid.

Dhiùlt comhairlichean na Gàidhealtachd Dimàirt air planaichean airson ceithir taighean-bìdhe ùra aig pàirce ghnothachais ann an Inbhir Nis.

Bha McDonald's, Frankie and Benny's agus Chiquito's air ùidh a nochdadh trì de na ceithir aonadan a ghabhail, aig Pàirce Ghnothachais Inbhir Nis, ri taobh an A96.

Chaidh cead a dhiùltadh do leithid seo de phlanaichean roimhe, an dà chuid leis an ùghdarras ionadail agus Riaghaltas na h-Alba ann an 2011.

Bha Mìcheal Mac a' Ghobhainn, bho Sgìre Leasachaidh Ghnothachais Inbhir Nis, ag iarraidh air comhairlichean cead a dhiùltadh do na planaichean ùra cuideachd.

Thuirt e gun toireadh na planaichean buaidh mhòr air gnothachasan ann am meadhan a' bhaile.

Bha oifigich na Comhairle air moladh gun toir buill cead seachad.

Tha an làrach air a comharrachadh airson oifisean, ach bha luchd-leasachaidh ag iarraidh gun deadh ionadan-bìdhe a thogail oirre an àite sin.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.