Nead Iolaire-mhara ga mhilleadh

Iolaire-Mhara 'S e a' chiad nead a thog iolairean-mara air taobh sear na h-Alba.

Tha na poilis a' rannsachadh chasaidean gun deach sgrios a dhèanamh air an nead iolaire-mhara air oighreachd ann an Gleanntan Aonghais.

'S e a' chiad nead a chaidh a thogail le iolaire-mhara air taobh sear na h-Alba ann an timcheall air 150 bliadhna.

Tha seo air tachairt agus Riaghaltas na h-Alba air innse gu bheil iad a' cur dìon a bharrachd air eòin-chreachaidh .

Thathas a' tuigsinn gun robh an nead ann an craoibh air Oighreachd Inbhir Mhairc, a tha na pàirt de Phàirce Nàiseanta a' Mhonaidh Ruaidh, a chaidh a leagail anns an Fhaoilleach am bliadhna.

Tha a bhith a' milleadh nead iolaire-mhara a dh'aona-ghnothach mì-laghail.

Tha Comann Rìoghail Dìon nan Eun (RSPB) ag ràdh gun do leig iad fhaicinn do dh'Oighreachd Inbhir Mhairc gun robh iolairean-mara a' neadachadh anns a' chraoibh, ach chuir labhraiche às leth na h-oighreachd gu làidir an aghaidh beachd sam bith gun deach an lagh a bhriseadh air an oighreachd.

Aig a' cheart àm, tha Ministear na h-Àrainneachd, Pòl Wheelhouse, ag ràdh gu bheil e deiseil ceuman ùra a ghabhail gus smachd a thoirt air daoine nach eil a' toirt feart do laghan a tha a' dìon eun-creachaidh.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

  • FlòdaigearraidhÀrainneachd agus Cànan

    Cùrsa anns an Eilean Sgitheanach as t-samhradh far am faighear briathrachas na Gàidhlig airson leithid lusan agus ainmhidhean.


  • Miss PiggyClò Mòr air a' Bhan-Mhuic

    Chunnacas Miss Piggy ann an deise den Chlò Mhòr a rinneadh le Vivienne Westwood.


What is VOCAB? Deth'ann a VOCAB?

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.