Iomairt airson fear-naidheachd ga lùghdachadh

Clive Dennier Chaidh Mgr Dennier fhaicinn mu dheireadh air 23mh am Màrt.

Tha iomairt sgrùdaidh airson am fear-naidheachd Clive Dennier, a th air a bhith a dhìth còrr is seachdain, ga lùghdachadh.

Dhearbh Poilis na h-Alba gun deach sgiobannan Mhaor-Cladaich, agus Feachd an Adhair a th' air a bhith a' cleachdadh heileacoptairean gus a lorg, a thoirt far na h-iomairt.

Cumaidh poilis le coin, agus an t-seirbheis faire shaor-thoileach Skywatch, orra a' coimhead ge-tà.

Chaidh Mgr Dennier, a tha 50, fhaicinn mu dheireadh air 23mh là den Mhàirt, ach chaidh fios a chur air na seirbheisean èiginneach Diluain nuair nach do nochd e aig obair aig a' phàipear-naidheachd Herald Shrath Spè agus Bhàideanaich.

Chaidh an càr aige a lorg ann an Ceann Loch Iuthairne, ann an ceann a tuath Chnòideirt, Dihaoine seo chaidh.

Chaidh bràthair-chèile Mhgr Dennier còmhla ri sgiobannan teasairginn feuch lorg fhaighinn air anns an sgìre sin, ach cha robh sgeul air.

Tuilleadh mun sgeulachd seo

Chan eil uallach air a' BhBC airson na tha air làraich-lìn eile.

Sgeulachdan aithriseach

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.